Pas Gentit e Antwerpit, edhe një ekip tjetër nga Belgjika është futur në garë për trajnerin Besnik Hasi.
Mediumet belge raportojnë të hënën se bëhet fjalë për skuadrën e Sint-Tuidenit. Mësohet se drejtuesit e këtij klubi tashmë kanë kontaktuar Hasin, i cili prej muajit të ardhshëm do të jetë i lirë.
Hasi do të largohet nga Mecheleni, ekip të cilin e mori në nëntor të vitit të shkuar dhe gati sa nuk siguroi pjesëmarrjen në garat e UEFA-s për sezonin e ri.
Megjithatë, Hasi nuk ka gjetur gjuhë të përbashkët me klubin aktual për vazhdimin e kontratës që i skadon në verë dhe po shqyrton ofertat e skuadrave tjera.
Ai ka deklaruar se dëshiron që edhe sezonin tjetër të punoj në Belgjikë pas aventurave që i pati në Arabinë Saudite, Greqi e Poloni. 52-vjeçari karrierën si trajner e nisi te skuadra e Anderlechtit, me të cilën ka të fituar një titull dhe një Superkupë të Belgjikës.
