Por, për dallim nga rastet e krimeve të luftës, për veprat tjera penale duhet të përmbushen disa kushte para se të fillojë gjykimi në mungesë.
I akuzuari duhet të jetë i pranishëm në shqyrtimin fillestar dhe atë kryesor.
“Për të vendosur nëse do të mbajë gjykimin në mungesë të të akuzuarit, gjyqtari i vetëm gjykues ose kryetari i trupit gjykues mban seancë dëgjimore për të përcaktuar përse i akuzuari mungon dhe për të vlerësuar çdo sqarim apo dëshmi nëse i akuzuari ka vendosur vullnetarisht të mungojë në gjykim. Në veçanti, në marrjen e këtij vendimi, gjyqtari i vetëm gjykues ose kryetari i trupit gjykues merr parasysh nëse janë bërë përpjekje të arsyeshme për të gjetur të akuzuarin”, thuhet në Kodin e ri të Procedurës Penale.
Sipas avokatit Yll Zekaj, kjo risi do të ndikojë në punën e sistemit të drejtësisë, në zgjidhjen e rasteve.
Si lehtësim e sheh gjykimin në mungesë për të gjitha veprat penale, avokati Arbër Jashari.
Megjithëse, gjykimi në mungesë për krimet e luftës u miratua që nga viti 2019, vetëm këtë vit, Gjykata Themelore në Prishtinë pranoi një aktakuzë të tillë.
Raporti i gazetares Florijeta Dernjani.
