Nuk u vranë qindra por me mijëra boshnjak myslimanë nga forcat ushtarake serbe.
Vetëm në Srebrenicë u masakruan mbi 8.000 mijë burra dhe djem myslimanë.
I gjithë ky krim u krye para batalionit paqeruajtës holandez, që dështuan ti mbronin viktimat.
Kanë kaluar 28 vjet nga kjo ngjarje e kobshme, dhe shteti serb akoma nuk e pranon se në Srebrenicë është kryer gjenocid.
Autori i librit “Lulet e Serbrenicës”, Aidan Hehir, thotë se Presidenti i Serbisë, Aleksandar Vuçiq guxon ta mohoi gjenocidin për shkak se nuk ka kush e ndëshkon atë.
“Ajo çfarë ndodhi në Serbrenicë është njëra tragjeditë më të rënda që nga përfundimi i Luftës së Dytë Botërore. Presidenti i Serbisë, Aleksandar Vuçiq si dhe individë të tjerë siç është Mirolad Dodik e mohojnë gjenocidin sepse nuk ka kush t’i ndëshkoj ata. Është e çuditshme se si liderët e vendeve perëndimore qëndrojnë të heshtur para tyre dhe e vazhdojnë normalisht komunikimin me ta. Narrativa nacionaliste e Serbisë nuk ka ndryshuar nga ajo e viteve të 90-ta dhe kjo me të vërtetë është shqetësuese. Kjo retorikë nacionaliste në asnjë formë nuk duhet të tolerohet”, deklaroi Hehir.
Profesori britanik, thotë se shtetet veprojnë vetëm sipas interesave të ngushta prandaj edhe kanë qëndruar indiferent në Bosnje.
Sipas tij, ka pasur edhe racizëm të pastër ndaj myslimanëve boshnjak dhe trupat paqeruajtës holandez nuk kanë qenë shumë të shqetësuar për fatin e tyre.
“Shtetet nuk qëndrojnë për bamirësi ato i ndjekin vetëm interesat e veta të ngushta dhe kështu ndodhi përgjatë viteve të 90-ta. Por në kontekstin e Bosnjës pati racizëm të pastër, myslimanet boshnjakë nuk shiheshin si evropianë, këso paragjykime ka pasur edhe për kosovarët. Nuk u kryen krime vetëm në Srebrenicë por edhe në pjesë të tjera të Bosnjës, dhe komuniteti ndërkombëtar qëndroi indiferent. Disa prej paqeruajtësve holandez realisht nuk ishin shumë të shqetësuar për fatin e myslimanëve boshnjak”, shtoi ai.
Tribunali për Krime Lufte për ish-Jugosllavinë në Hagë, edhe Gjykata Ndërkombëtare e Drejtësisë e kanë quajtur masakrën e Srebrenicës si gjenocid.
