Një shtetas i huaj është arrestuar në Lipjan nën dyshimin për përfshirje në aktivitete të paligjshme lidhur me përdorimin e fëmijëve në materiale pornografike.
Sipas raportit 24-orësh të Policisë, ngjarja ka ndodhur më 11 nëntor në Lipjan.
Policia ka konfiskuar një telefon celular nga i dyshuari, që dyshohet se është përdorur për realizimin e veprës penale.
Në njoftimin e Policisë thuhet se, pas arrestimit, i dyshuari është dërguar në mbajtje me vendim të prokurorit, ndërsa hetimet për rastin vazhdojnë.
“Një i dyshuar, shtetas i huaj është arrestuar për shkak se dyshohet se ka kryer veprën e lartcekur. Nga i dyshuari është sekuestruar një telefon që dyshohet se është përdorur për kryerjen e veprës. Me vendim të prokurorit i dyshuari është dërguar në mbajtje”, thuhet në njoftim. /teve1.info/
