Policia e Kosovës ka ndaluar një shtetas të huaj në pikëkalimin kufitar të Merdarës, pasi ai dyshohet se ka prezantuar dy polica sigurimi të falsifikuara gjatë kontrollit kufitar.
Sipas raportit 24-orësh të Policisë, njësitë policore kanë ndalur një kamion me rimorkio me targa të huaja, i drejtuar nga i dyshuari. Gjatë verifikimit, ai ka paraqitur dy polica sigurimi për të cilat dyshohet se janë të falsifikuara.
Në konsultim me prokurorin kompetent, dokumenti i udhëtimit i të dyshuarit është konfiskuar, ndërsa ai është urdhëruar të paraqitet në prokurorinë e Prishtinës për procedura të mëtejshme ligjore.
Rasti është duke u hetuar.
