Shtëpia e Bardhë ka dalur me një deklaratë pas telefonatës së kryeministrit, Albin Kurti, dhe këshilltarit të presidentit Biden për Çështje të Sigurisë Kombëtare, Jake Sullivan, ku tregohet se për çfarë është biseduar.
Në deklaratë thuhet se Sullivan përcolli ngushëllimet për humbjen e policit të Kosovës dhe se shprehu shqetësimin për mobilizimet ushtarake serbe pranë kufirit me Kosovën.
Sipas deklaratës, Sullivan ka theksuar gatishmërinë e SHBA-së për të siguruar që KFOR-i të ketë burimet e duhura për të përmbushur misionin e tij.
“Ndihmësi i Presidentit për Çështje të Sigurisë Kombëtare, Jake Sullivan ka biseduar sot në telefon me kryeministrin e Kosovës, Albin Kurti. Z. Sullivan përcolli ngushëllimet për humbjen e policit të Kosovës të vrarë në krye të detyrës gjatë sulmeve të dhunshme të ndodhura më 24 shtator. Ai gjithashtu shprehu shqetësimin për mobilizimet ushtarake serbe pranë kufirit me Kosovën. Ai vuri në dukje vendimet e fundit të NATO-s për të forcuar praninë dhe aktivitetin e Forcave të NATO-s në Kosovë (KFOR), veçanërisht në veri të Kosovës, dhe nënvizoi gatishmërinë e Shteteve të Bashkuara për të punuar me aleatët tanë për të siguruar që KFOR-i të mbetej me burimet e duhura për të përmbushur misionin e tij”, thuhet në komunikatë.
Sullivan dhe Kurti, po ashtu diskutuar edhe për dialogun e ndërmjetësuar nga Bashkimi Evropian, për të cilin këshilltari për siguri kombëtare i SHBA-së ka thënë se është e vetmja zgjidhje afatgjatë për të garantuar stabilitet në mbarë Kosovën.
Ndryshe, Kurti nga Sullivan ka kërkuar ndihmë të shtuar kundër planeve luftarake të Serbisë.
Kurti po ashtue falënderoi Sullivanin për mbështetjen e ShBA-së në sigurinë kufitare.
“E siguroi atë për bashkëpunimin e vazhdueshëm të Policisë së Kosovës me KFOR-in dhe se përkushtimi ynë për të mbrojtur të gjithë qytetarët është i palëkundur”, ka shkruar Kurti në “X”./
Kurti flet me Sullivan: Kemi nevojë për ndihmë më të madhe kundër planeve luftarake të Serbisë
