Shtatë persona kanë mbetur të lënduar si pasojë e një aksidenti trafiku që ka ndodhur në rrugën magjistrale Gjakovë–Klinë, në fshatin Mrasor.
Në aksident janë përfshirë dy automjete, ndërsa personat e lënduar kanë kërkuar trajtim mjekësor.
Zëdhënësja e Policisë së Kosovës për rajonin e Gjakovës, Vlera Krasniqi, ka konfirmuar për Tëvë1 se rasti është duke u trajtuar nga Njësia Rajonale e Trafikut Rrugor.
“Janë përfshirë dy automjete. Deri më tani janë raportuar shtatë persona të lënduar, të cilët kanë marrë trajtim mjekësor. Njësia Rajonale e Trafikut Rrugor është duke e trajtuar rastin”, ka thënë Krasniqi.
Sipas saj, njësia përkatëse po punon për të zbardhur rrethanat e aksidentit.
