Shtatë kontejnerë janë djegur gjatë natës në dy rrugë të Prishtinës, “Sylejman Vokshi” dhe “Avalla”.
Lajmi është bërë i ditur nga Kompania Rajonale e Mbeturinave “Pastrimi”, përmes një njoftimi për media.
Nga kompania kanë apeluar te qytetarët që të tregojnë kujdes dhe të mos hedhin mbeturina të ndezura në kontejnerë, pasi djegia e tyre mund të shkaktojë ndotje të ajrit dhe të rrezikojë shëndetin.
“7 kontejnerë të djegur vetëm sonte. 7! Në dy rrugë. ‘Sylejman Vokshi’ dhe ‘Avalla’”, thuhet në njoftimin e kompanisë.
“Pastrimi” ka bërë thirrje që qytetarët të mos i djegin kontejnerët dhe të mos hedhin mbeturina të ndezura në ta.
“Mos i digjni kontejnerët, mos hidhni mbeturina të ndezura, sepse e ndotni tepër shumë ajrin e lagjes dhe ambientin. Është tepër i rrezikshëm për shëndetin ky veprim. Gjobitet edhe nga shteti”, thuhet më tej në reagim.
