Këtë e ka bërë të ditur Shërbimi Spitalor Klinik dhe Universitar i Kosovës përmes një njoftimi në Facebook.
Sipas SHSKUK-s, në mungesë të kësaj pajisje, pacientët shpeshherë është dashur që të kërkojnë ndihmë jashtë vendit, apo edhe në spitale private.
“Shërbimi Spitalor Klinik Universitar i Kosovës ka bërë një hap përpara në avancimin dhe rritjen e numrit të shërbimeve mjekësore në QKUK, duke investuar në pajisje të reja, të cilat pritet të reflektojnë direkt në uljen e numrit të referimeve jashtë vendit. Klinika e Ortopedisë është pajisur me tavolinën operative moderne, që mundëson trajtimin kirurgjik të boshtit kurrizor. Në mungesë të saj, më herët, pacientët shpeshherë është dashur të kërkojnë ndihmë në spitalet jashtë Kosovës apo në ato private”, thuhet në njoftim. /teve1.info/
