Në vazhdim ndjekim një kronikë të përgatitur gjatë ditës për procesin zgjedhor të zhvilluar sot në Maqedoni të Veriut.
Të dielën, qytetarët e Maqedonisë së Veriut iu drejtuan kutive të votimit.
Këtë herë, ata do të përcaktojnë kryetarët e 80 komunave.
Numrin më të madh të kandidatëve e ka Qyteti i Shkupit me 16 njësi administrative.
Pjesë e saj është edhe komuna e Çairit ku kryesisht votojnë shqiptarët.
E në shkollën “Liria” të kësaj komune, shqiptarët po votojnë pa asnjë parregullësi.
Për ta është e rëndësishme që kryetari i ardhshëm të merret me problemet thelbësore të kësaj komune.
Se procesi i votimit ka shkuar pa ndonjë parregullësi e thotë edhe anëtari i Komisionit Shtetëor Zgjedhor, Erdoan Jashari.
Sipas tij, dalja më e madhe e votuesve ishte në mesditë.
Sipas KSHZ-së, të drejtë vote në Maqedoninë e Veriut kanë mbi 1 milionë e 8 mijë qytetarë.
Në të gjithë vendin janë 3480 vendvotime.
