Sot, Serbia mban zgjedhjet e jashtëzakonshme parlamentare, lokale e krahinore.
Për këtë është mundësuar një organizim në mënyrë që shqiptarët e Luginës së Preshevës që jetojnë në Kosovë të shkojnë dhe të votojnë në Preshevë, Medvegjë dhe Bujanoc.
Ekipi i Tëvë1 bën të ditur se nuk ka shumë persona të interesuar që të shkojnë të votojnë në Serbi.
Ndërkohë, iniciatori i këtij organizimi tha se është punuar në atë drejtim që çdo votues të marrë informacione rreth nisjes dhe organizimit se si do të realizohet.
“Shumica e votuesve nga Medvegja do të udhëtojnë edhe në mënyrë individuale me automjete private. Shpresojmë që në këtë aktivitet të kemi suksese. Ne si organizatorë e kemi bërë atë tonën që çdo votues të marrë informata në kohën e duhur dhe si do të udhëtojnë. Organizimi ka qenë në nivel të duhur besoj që edhe shkuarje do të jetë ashtu”, tha Bislim Musliu, organizatori nga OJQ “Trojet tona”.
Gara e liderëve politik shqiptarë atje do të jetë e ndarë.
Ata do të garojnë me dy lista.
“Beteja politike e shqiptarëve vazhdon – Shaip Kamberi” udhëhiqet nga Shaip Kamberi, ndërsa “Alternativa Demokratike Shqiptare-Lugina e Bashkuar”, nga Shqipërim Arifi.
Të drejtë vote në Serbi, kanë mbi 6.5 milionë qytetarë./teve1.info/
