Prej disa orësh për shkak të shiut të rrëmbyeshëm të gjitha rrugët e kryeqytetit janë përmbytur.
E njëjta situatë është gjendja edhe në qytetet e tjera.
Ndërkohë që në disa akse rrugore si në Malësinë e Madhe, në Librazhd, Shëngjin apo dhe në jug të vendit uji ka dalë mbi asfalt duke e vështirësuar jashtëzakonisht qarkullimin e mjeteve. Një tjetër rrezik për qytetarët janë edhe shkarkesat e elektrike.
Ditën e djeshme ka ndërruar jetë në Malësinë e Madhe një banorë, për shkak të rrufesë, pasi ka marrë djegie të shumta në trup.
Ndërsa sot në qytetin e Sarandës dhe në fshatin Metoq kanë rënë sërish rrufe, duke krijuar dëme të shumta materiale.
Përmbytjet e shkaktuara nga shiu në Tiranë, kanë sjellë ndërprerje të energjie elektrike në disa lagje të kryeqytetit.
Ndërkohë policia u ka bërë thirrje qytetarëve që të fikin dritat, për shkak se mund të ketë pasoja nga shkarkesat elektrike, por dhe luhatjet e tensionit.
Sipas shërbimeve meteorologjike e njëjta situatë e keqe e motit pritet të vazhdojë edhe gjatë ditës së premte./abcnews/
