Presidenti, Bajram Begaj, ndau medaljen më të lartë të të shtetit për Walker, atë të “Kalorësit të Urdhrit të Flamurit”.
Begaj përmendi kontributin e amerikanit dhënë për shqiptarët – gjë të cilën thotë se po e bënë edhe tani.
I vlerësuar me këtë çmim, po ndihet vet Walker.
Ai thotë se që nga viti 2000, kur la punën si diplomat, shumicën e kohës ia kushtoi Kosovës.
“Në vitet që nga pensionimi im si diplomat amerikan në vitin 2000, unë i kam kushtuar shumë kohë duke u përpjekur t’ia bëj sa më të kuptueshme botës së jashtme se me çfarë kam qenë i përfshirë në Kosovë dhe çfarë rëndësie ka ky komb i ri, çfarë ai përfaqëson”, tha Walker.
Ai poashtu shtoi se tashmë një Shqipëri e Madhe ekziston, por jo në aspektin gjeografik.
“Në dy dekada ndërveprim me komunitet shqiptare në SHBA, në diasporë në mbarë botën dhe sigurisht në atdhe, më lanë shumë përshtypje dëshmitë e një ‘Shqipërie më të madhe kulturore’, dhe ajo është një entitet po aq solid dhe koheziv, sa ai i çdo shteti kombëtar të njohur ndërkombëtarisht”, tha ai.
Walker, ishte edhe në Kosovë, në 24 vjetorin e Masakrës së Reakut.
Kronika e gazetarit Arton Rama.
