Ministri shqiptar i Mbrojtjes, Pirro Vengu ka njoftuar se Shqipëria dhe Turqia kanë forcuar bashkëpunimin në mbrojtje përmes nënshkrimit të amendimit të “Protokollit të Asistencës Financiare” ndërmjet dy vendeve.
Sipas Vengut, ky protokoll do të mundësojë pajisjen e Forcave të Armatosura shqiptare me sisteme artilerie 105 mm, trajnime, logjistikë dhe mbështetje institucionale.
Ai ka theksuar se dokumenti i ri po ashtu do të kontribuojë drejtpërdrejt në përmirësimin e infrastrukturës, rritjen e kapaciteteve operacionale dhe forcimin e edukimit profesional të personelit të Forcave të Armatosura të Shqipërisë.
