Deputetja Shqipe Mehmeti-Selimi ka reaguar në gjashtëvjetorin e arrestimit të bashkëshortit të saj, Rexhep Selimit, nga Zyra e Prokurorit të Specializuar në Hagë.
Përmes një postimi në rrjetet sociale, ajo ka ndarë një pjesë të fjalimit të Rexhep Selimit në Hagë, në të cilin ai shprehej krenar që i kishte dalë zot lirisë së Kosovës.
Mehmeti-Selimi, duke iu referuar Ushtrisë Çlirimtare të Kosovës, ka shkruar: “UÇK n’Kosovë! UÇK n’Hagë! UÇK një herë, UÇK gjithmonë!”
Në pjesën e publikuar të fjalimit, Rexhep Selimi kishte theksuar se është krenar për kontributin e tij për lirinë e Kosovës dhe se mbetet i gatshëm të japë jetën për të.
