Në orët e vona të së shtunës është raportuar për dy shpërthime të njëpasnjëshme në veri të Kosovës.
Për këto shpërthime, zëvendësdrejtori rajonal për veriun e Kosovës, Veton Elshani, thotë se ka pasur informacion që kanë qenë dy detonime.
Elshani për teve1.info ka konfirmuar se nuk ka pasur persona të lënduar dhe as dëme materiale, derisa ka shtuar që njësitë policore kanë qenë duke patrulluar në qytet.
Ai ka deklaruar se këto shpërthime mund të jenë shkaktuar nga mjetet piroteknike apo diçka tjetër.
“Ka pasë informacione që në Mitrovicë të Veriut kanë qenë dy detonime, por policia konfirmon se ne jemi në qytet dhe nuk ka dëme apo lëndime në njerëz. Mund të sigurojmë që veriu i vendit është i sigurt”, tha Elshani./teve1.info/
