Një shpërthim ka ndodhur në Mitrovicën Veriore, ku është dëmtuar një automjet dhe disa kamera të sigurisë, raporton teve1.info
Lajmin për teve1.info e ka konfirmuar zëdhënësi i Policisë për Mitorvicën e Veriut, Veton Elshani.
Sipas tij, shpërthimi ka ndodhur afër stacionit të Policisë në Veri.
“Rreth orës 03.00 të mëngjesit në rrugë “Petar Kral” ka ndodh një shpërthim. Një shtyllë elektrike është dëmtuar dhe një veturë. Policia është duke e trajtuar rastin si “Shkaktim i rrezikut të përgjithshëm”, ka thënë Elshani.
Ai pohoi se në shtyllën elektrike kanë qenë të vendosura edhe kamerat e sigurisë.
