Një shpërthim ka ndodhur brenda një kafeneje në kryeqytetin sirian, Damask, sipas mediave shtetërore.
Shpërthimi ndodhi në zonën Hejaz të Damaskut të enjten, raportoi agjencia e lajmeve SANA, citon Al Jazeera.
Televizioni sirian raporton se shpërthimi ndodhi në një kafene të frekuentuar nga avokatët në Damask. Mbetet e paqartë se sa njerëz janë plagosur ose vrarë.
Të plagosurit po dërgohen në spitalet aty pranë. Imazhet e shpërndara në mediat sociale tregojnë dëme të rënda në kafene dhe njerëz të plagosur në afërsi. Natyra e shpërthimit nuk është menjëherë e qartë.
Forcat e Sigurisë së Brendshme të Sirisë rrethuan zonën për të parandaluar hyrjen në vendin e shpërthimit në Damask, thanë raportet e medias.
