Të paktën 500 persona janë lënduar në një shpërthim masiv në një port në qytetin jugor iranian të Bandar Abbas, raportojnë mediat shtetërore.
Autoritetet njoftuan se disa ambulanca janë dërguar tashmë në Bandar Abbas nga qytete përreth dhe spitalet janë të përgatitura për të pranuar të plagosurit.
Shpërthimi u raportua rreth orës 12:30 të mëngjesit sipas kohës lokale të shtunën.
Nga ana tjetër, Drejtoria e Menaxhimit të Krizave në Hormuzgan raportoi se deri më tani nuk është raportuar ende për viktima, por pamjet tregojnë njerëz të shtrirë të plagosur në rrugë. Raportohet gjithashtu për njerëz të bllokuar nën ndërtesa gjysmë të shembura, shkruan BBC.
Përpjekjet për të shuar zjarrin pas shpërthimit po vazhdojnë.
Ende nuk dihen shkaqet e sakta të shpërthimit, por incidenti mendohet të ketë ndodhur kur kontejnerë me kimikate kanë shpërthyer në port.
