Ka shpërthyer një vullkan në Islandën jugperëndimore të martën, vetëm disa orë pasi autoritet evakuuan një qytet aty pranë dhe një banjë gjeotermale, që është një nga atraksionet më të mëdha turistike të Islandës.
Flakët dhe tymi shpërthyen në ajër ndërsa çarja vullkanike u hap pranë qytetit të Grindavik, ku rreth 40 shtëpi janë evakuuar, raportoi transmetuesi kombëtar RUV.
Komuniteti, i vendosur në gadishullin Reykjanes, u evakuua kryesisht një vit më parë kur vullkani erdhi në jetë pasi qëndroi i fjetur për 800 vjet.
Uebkamerat treguan shkëmbinj të shkrirë që derdhej drejt komunitetit. Sirenat u dëgjuan në Grindavik ndërsa banja gjeotermale e afërt Laguna Blu u evakuua gjithashtu, raporton AP.
“Gjatësia totale e çarjes shpërthyese tani është rreth 1,200 metra dhe vazhdon të shtrihet drejt jugut,” tha Zyra Meteorologjike e Islandës në një deklaratë, duke shtuar se kishte marrë një raport se një tubacion uji i nxehtë ishte thyer në pjesën veriore të Grindavik.
“Kjo konfirmon se lëvizje të rëndësishme të defekteve kanë ndodhur brenda qytetit,” tha Zyra Meteorologjike.
Rrjedha e magmës filloi rreth orës 6:30 të mëngjesit me orën lokale (0630 GMT) e shoqëruar nga një tufë tërmetesh intensive të ngjashme me shpërthimet e mëparshme, tha Zyra Metologjike Islandeze.
Islanda ka 33 sisteme vullkanike aktive dhe ndodhet mbi atë që njihet si Kreshta e Mesme të Atlantikut, kufiri midis dy prej pllakave tektonike më të mëdha në planet.
