Cristian Shpendi, do të jetë emri i ri që do ti bashkohet Kombëtares së Shqipërisë në grumbullimin e këtij muaji.
Mediumet italiane, kanë raportuar të hënën, se Shpendi që ishte në listën e pritjes te Shqipëria, është nisur menjëherë për t’u bashkuar me ekipin.
Ai është ftuar nga selektori Sylvinho në vend të Armando Brojës, për të cilin thuhet se është dëmtuar në stërvitje te Burnley dhe do të mungojë në ndeshjet e këtij muaji.
Mbetet të shihet nëse do të konfirmohen këto ndryshime nga FSHF-ja, pasi Shqipëria të hënën ka nisur grumbullimin.
Shqipëria këtë muaj e luan miqësoren me Gjibraltarin dhe ndeshjen kualifikuese për Botërorin 2026 me Letoninë.
