Sulmuesi Cristian Shpendi do të grumbullohet me Kombëtaren e Shqipërisë për ndeshjet e muajit shtator.
Bëhet e ditur se Shpendi, tashmë ka marrë ftesë zyrtare nga selektori Sylvinho dhe do të jetë pjesë e Shqipërisë për ndeshjet me Gjibraltarin e Letoninë.
22-vjeçari është pjesë e Cesenas, ekip që bën gara në Serie B, ku ka shënuar gol në ndeshjen e parë të sezonit të ri.
Sylvinho pritet këtë javë ta publikojë listën e futbollistëve të ftuar, ndërsa për Shpendin kjo do të jetë hera e parë që do të jetë pjesë e Kombëtares A, pasi në të shkuarën ka luajtur për ekipin U21 dhe U19.
Shqipëria më 4 shtator luan miqësoren me Gjibraltarin, ndërsa më datën 9 shtator përballet me Letoninë në Tiranë në kuadër të kualifikimeve për Botërorin 2026.
