Është hedhur shorti në Nyon të Zvicrës për çiftet çerekfinale të Ligës së Kampionëve.
Edhe këtë herë do të kemi sfida interesante, derisa do të zhvillohen ndeshjet me vajtje-ardhje. Vëmendja pritet të shkoj në takimet Liverpool – Real Madrid dhe Bayern – Paris, teksa kampioni në fuqi i Anglisë, Manchester City do të përballet me gjermanët e Leipzigut. Ndërkaq, Benfica i është “vërë” përballë Club Brugge.
Milan do të ndeshet me Tottenham Hotspurin. Napoli i Amir Rrahmanit do të ketë punë me Frankfurtin, kurse “furia” e verdhë gjermane Dortmund do të mat “forcat” me Chelsea. Interi ballfaqohet me Porton.
Sfidat e para të raundit të 1/8-ve do të zhvillohen me 14-15 dhe 21-22 shkurt, teksa takimet e kthimit do të luhen me 7-8 dhe 14-15 mars. Finalja e madhe do të luhet më 10 qershor të vitit 2023 në stadiumin “Atatürk Olympic Stadium”, Stamboll, Turqi.
