Një marsh si ky, pritet të mbahet sërish në sheshet e Prishtinës.
Për këtë Iniciativa “Liria Ka Emër” i fitoi sërish qytetarët me 12 shtator.
Krejt kjo 4 ditë para shpalljes së aktgjykimit në Dhomat e Specializuara në Hagë, në rastin Thaçi dhe të tjerët.
Edhe në këtë marsh, do të kërkohet drejtësi nga gjykata e Kosovës me seli në Hagë.
E kësaj kërkesë, do t’i bashkohen edhe nga Shoqata e Familjeve të Dëshmorëve.
“Ju bëjmë thirrje pa dallim që të marrin pjesë në këtë marsh, në këtë protestë, kundërshtim të të gjitha atyre shpifjeve që po i bëhen luftës së Ushtrisë Çlirimtare të Kosovës dhe njëkohësisht të jemi të përgatitur dhe të presim verdiktin përfundimtar që shpresojmë gjykata do të ndajë mendimin nga prokuroria, nga absurdi i kësaj prokurorie për krerët e Ushtrisë Çlirimtare të Kosovës”
Në këtë shoqatë, thonë se nuk kanë frikë nga një vendim që mbështetet në drejtësi.
Por, sipas tyre, e keqja vjen nëse aktgjykimi është politik.
“Duhet të presim dhe duhet të marshojmë dhe nëse ndodh që merret një vendim politik në Gjykatën e Hagës, sepse kjo është gjykatë politike dhe mund të merren edhe vendime politike që s’kanë lidhje me drejtësinë (edhe në formën se si është krijuar dhe si ka vepruar deri më tani), ne nuk do të rrimë me duarkryq”, tha Xhavit Jashari, kryetar i shoqatës së familjeve të dëshmorëve.
Thirrje për t’iu bashkuar marshit, kanë edhe nga Shoqata e Invalidëve të Luftës së UÇK-së.
“Nga Kosova, nga Maqedonia e Veriut, nga Mali i Zi, nga Presheva e Medvegja, të gjtiha hapësirave shqiptare dhe gjithë mërgimtarët tonë të cilët e ndiejnë veten që duhet të vijnë të protestojnë, i ftoj që të vijnë në Prishtinë dhe të protestojnë në mënyrë të dinjitetshme për pritjen e verdiktit final më 16 shtator”, deklaroi Fadil Shurdhaj, kryetar i SHIL të UÇK-së
Ndryshe, marshe për të kërkuar drejtësi për ish-krerët e UÇK-së, përveç Prishtinës, u mbajtën edhe në Tiranë, Shkup, Strasburg e Hagë.
