Shoqata e Prodhueseve të Kosovës ka shprehur shqetësimin për pasojat që do të shkaktojë ndërprerja e furnizimit me energji elektrike për bizneset, i cili është bërë e ditur se ka nisur sot më 16 gusht.
Prodhuesit e Kosovës, i kanë bërë thirrje Zyrës së Rregullatorit për Energji (ZRRE) që të mos zbatojë masën e ndërprerjes së furnizimit me energji elektrike për bizneset nga data 16 gusht, pasi sipas tyre ndërprerja e energjisë do të sjellë pasoja të rënda.
“ Ndërprerja e energjisë do të sjellë pasoja të rënda: ndërprerjen e prodhimit, humbjen e vendeve të punës, rritjen e çmimeve për konsumatorët, dëmtimin e kontratave me partnerët ndërkombëtarë, uljen e konkurrueshmërisë së prodhuesve kosovarë në tregjet e huaja”, thuhet në njoftim.
Më tej, Shoqata ka theksuar se nuk janë kundër liberalizimit të tregut të energjisë, por kërkojnë që ky proces të zbatohet në mënyrë transparente, me konsultime të mirëfillta dhe me çmime të arsyeshme, të krahasueshme me rajonin.
“Prandaj, kërkojmë nga ZRRE të gjejë një zgjidhje të qëndrueshme që mbron prodhimin vendor dhe ekonominë e Kosovës”, theksohet në reagim.
KEDS-i nis shkyçjen e bizneseve pa kontratë me furnizues të licencuar
