Shoqata “Bereqeti” e cila funksion në kuadër të Bashkësisë Islame të Kosovës bënë aktivitet të shumta humanitare gjatë gjithë vitit.
Kështu ka thënë Xheladin Fazliu, sekretar i kësaj shoqate.
Ai ka thënë se shoqata ndihmohet nga biznese të shumta vendore, por edhe që kanë përkrahje nga shtetet mike.
Fazilu ka thënë se janë në pritje të një përgjigje nga Emiratet e Bashkuara Arabe për fitimin e një donacioni ku do të ndihmohen 3600 jetimë.
“Jemi në pritje të një projekti të një fondacion nga Emiratet e Bashkuara Arabe për të ndihmuar 3600 jetimë në vlerë 40-50 dollarë për një kohë të pacaktuar ku do të përfitojnë të gjithë qytetarët nga të gjitha komuniteteve”, tha ai në emisionin “InfoNata” në Tëvë 1.
Ai tha se si shoqatë kanë ndihmuar edhe në vërshimet e fundit në Skenderaj e Mitrovicë.
“27 shtëpi në Mitrovicë kemi renovu pastaj 4 shtëpia në Skenderaj”, tha ai.
Ai ka thënë se tash janë të fokusuar në shpërndarjen e mishit të kurbanit, ku kanë grumbulluar një sasi të madhe të mishit.
“Këtë vit do të shpërndahen mbi 150 ton mish për nevojtarët”, tha ai.
