Përmes një komunikate për media, është bërë e ditur se kandidati i cili ka marrë pikë më së shumti nga testi me shkrim dhe intervista me gojë është Shkumbin Ahmetxhekaj.
Sipas kësaj komunikate, në intervistë janë paraqitur pesë kandidatë.
“Në intervistë janë paraqitur pesë kandidatë. Tre kandidatë që kanë qenë në testin me shkrim (Fisnik Durguti, Fadil Hoxha dhe Hysen Hundozi) nuk janë paraqitur në intervistë. Ashtu siç ka qenë i gjithë ky proces, edhe procesi i intervistimit ka qenë tërësisht transparent, ku kanë marrë pjesë nëntë monitorues, duke përfshirë shoqërinë civile, Zyrën e Përfaqësuesit të Posaçëm BE-së në Kosovë dhe tri sindikatave të RTK-së”, thuhet në komunikatë. /Teve1.info/
