Nxënës, mësimdhënës e drejtorë të shkollave të 13 qyteteve të Kosovës u mblodhën të mërkurën në Prishtinë.
Qindra nxënësve të shkollave të mesme në vend, të cilët kishin qenë të përfshirë në projektet e Kryqit të Kuq për promovimin e vlerave humane u shpërblyen për punën disa mujore.
Gjithë kjo u organizua në manifestimin qendror të Kupës së Promovimit të Vlerave Humane për vitin 2025.
E para që mori fjalën ishte kryetarja e Kryqit të Kuq, Feride Hyseni.
“Vlera e këtij projekti , është preket që i përhap vlerat humanitare unë jam mundu me ju përcjellë përmes mediave, dhe jam mahnite nga nxënësit me çfarë zemre dhe shpirt keni punuar”, ka thënë Hyseni.
E në këtë projekt këtë viti kishin qene të përfshirë 15 shkolla dhe 461 të rinj të vendi të cilët përmes punës së tyre promovuan vlerat humane.
“Qëllimi kryesor i këtij projekti ka qenë të krijojë një bashkëveprim ndërmjet nxënësve në aspektin kulturor, social që mu largu nga një rutinë e përditshme dhe me kontribu komunitetit. Kemi arrit që të kemi ndikim tek 6 mijë persona dhe ndikim indirekt tek 11 mijë e 700 person në bazë të statistikave të projekteve që kemi bërë kemi arrit kështu te kemi përfitues 17 mijë persona”, ëhstë shprehur Armend Shala nga kryqi i kuq.
E në mesin e këtyre shkollave, vendin e parë këtë vit e fitojë Institucioni i arsimit dhe aftësimit profesional nga komuna e Shtimes.
Detaje për punën e bërë për disa muaj dha nxënësi i kësaj shkolle të mesme, Resul Mungu.
“Projekti më i madh që e kemi bërë biblioteka shkollore me vlerë afër 600 mijë euro projektet tjera janë mozaiku kulturor është festival i cili ka ndodhë në shkollën tonë dhe synojmë ta mbajmë çdo vitë. Projektet tjera janë karroca i cili është bërë shënjezimi dhe marshi i ditës së karrocës si dhe projektet tjera që kanë qenë kundër dhunës në familje dhe bullizem në shkollë”, ka thënë Mungu.
Për rëndësinë e këtyre projekteve foli edhe mësimdhënësja e këtij institucioni, Emine Tasholli Shaqiri,
“Secili prej projekteve e ka pasur vlerën e vet dhe peshën e vet mirëpo mendoj që projektet që do të lënë gjurmë më tepër janë pjesa e karrocës ku kemi bërë shënjezimin e tri parkingjeve për personat me karrocë si dhe biblioteka e shkollës e cila ka qenë më së e nevojshme për shkollën tonë pasi nuk kemi pasur asnjëherë një biblioteke ku nxënësit tanë të lexojnë libra të ndryshme”, është shprehur Tasholli Shaqiri.
Vendin e dytë e fitojë shkolla “Lutfi Musiqi” në Vushtrri, tretin gjimnaz “Sami Frashëri nga Prishtina, kurse vendin e katër shkolla “Xheladin Deda” në Mitrovicë.
Gjatë këtij manifestimi u ndanë edhe mirënjohje edhe për mësdhënësit të cilët kontribuan në këtë projekt.
