Njohësi i çështje politike, Selam Shkodra ka vlerësuar se artikulli në të cilin denigrohet UÇK-ja, ku bashkautor është edhe Dimal Basha i zgjedhur të martën kryetar i Kuvendit, është tezë e nacionalistit serb, Dobrica Qosiq.
Shkodra ka thënë se ky është një shkrim “idiot”.
“Ky artikull duhet të shihet në origjinën e tij, autor real i këtij artikulli nuk është Jana Arsovsak, por është ideologu i nacionalizmit serb, Dobrica Qosiq. Ky artikull është i deskriptuan nga këta dy autorë, Arsovska dhe Basha. Nëse shohim librin e Qosiqit “Koha e gjarprinjëve” e botuar në Beograd në vitin 2009 është identik ky artikull. Kjo është tezë e Dobrica Qosiqit… Ky është një artikull idiot”, ka thënë ai në emisionin “Këndi i Debatit” në Tëvë1.
Ai ka thënë se në Kosovë po shfaqen teza serbe, ku ka përmendur çështjen e nënkryetarit të Kuvendit nga Lista Serbe dhe situatën në veri, ku sipas tij ka njerëz që flasin në favor të Serbisë.
“Muajt e fundit ka pas teza serbe që janë shfaq dhe vazhdojnë të shfaqen, kjo loja e fundit me Listën Serbe për nënkryetar të Kuvendit, ka njerëz që artikulojnë në anën e shtetit serb. Ose zhvillimet e fundit në tri vitet e fundit në veri, ka pas njerëz që janë pozicionua gabimisht duke mos i dhënë mbështetje institucioneve të Kosovës për ta vënë situatën nënkotroll”, ka thënë ai.
Kryetari i Kuvendit Dimal Basha, lidhur me publikimin ku figuron si bashkautor e në të cilin denigrohet UÇK-ja, ka thënë se nuk mbanë përgjegjësi.
Ai ka thënë se në këtë punim ka shkruar vetëm Kapitullin e 3- të.
Basha në një konferencë për media të enjten ka thënë se lufta e UÇK-së për të është e shenjtë.
