Analisti, Selam Shkodra ka thënë se Kosova dhe BeH janë zgjedhur më kujdes si vende për tu vizituar nga sekretari i përgjithshëm i NATO-s Mark Rutte.
Kjo sipas tij, për të konfirmuar vendosmërinë e Aleancës Atlantike për të moslejuar destabilizimin e rajonit dhe për të vazhduar asistencën e saj ndërmjet trupave të veta në këto dy vende.
Tutje, Shkodra tha se Rutte ia ka bërë të qartë Serbisë së NATO nuk lejon asnjë lloj destabilizimi.
“Këto dy vende janë zgjedhur me kujdes për vizitën e sekretarit të NATO-s për dy arsyeje. E para është se rikonfirmon fuqishëm vendoshmërinë e Aleancës Atlantike për të moslejuar destabilizimin e rajonit dhe për të vazhduar asistencën e saj ndërmjet trupave të veta në këto dy vende. Arsyeja e dytë është se të dyja vendet (Kosova dhe BeH) rrezikohen nga projektet e botës serbe… Unë e shoh ngushtë vizitën e sekretarit me zhvillimet në Beograd. Ka më shumë se katër muaj që ka protesta masovike… Ka pasur për qëllim të tregoje që Aleanca është e vendosur për të moslejuar një destabilizim, madje drejtimi i gishtit nga Beogradi duke e bërë përgjegjës drejtpërdrejti për agresionin e hapur për rastin Banjskë i bënë të qartë Serbisë se nuk do të lejohet asnjë lloj aventure në rrafshin e sigurisë. E shoh si mbështetje të madhe për Kosovën dhe shtetësinë e saj“, ka deklaruar ai në emisionin “Këndi i Debatit“ në Tëvë1.
