Analisti, Selam Shkodra vlerëson se pas përfundimit të gjithë procesit të numërimit të votave Lëvizja Vetëvendosje do të mund ta formojë qeverinë e vetme.
Sipas tij për një ose dy mandate që do të mund t’i duhen do të ketë deputetë dhe subjekte politike të cilat ndoshta do ta votojnë qeverinë e vendit pa ndonjë kusht.
“Sipas pikëpamjes sime mendoj që LVV do të arrijë ta formojë qeverinë për shkak se do të ketë edhe rirreshtime si të deputetëve por edhe të subjekteve politike. Deri më tash është qëndrimi i prerë i LVV-së që janë këmbëngulës për të formuar institucionet e vendit e sidomos qeverinë. Më pastaj sfidat e tjera për zgjedhjen e presidentit në fillim të vitit të ardhshëm mund të ketë oferta të tjera apo solucione tjera. Mirëpo te zgjedhja apo formimi i qeverisë mendoj se do të ishte e rrugës që nuk duhet të kishte qeveri pa LVV-në e cila me fitoren e saj e ka rikonfirmuar qeverisjen e saj në mënyrë absolute. Një ose dy mandate të cilat mund t’i duhen në rast se deri në fund do t’i mungojnë unë besoj që do të ketë edhe deputetë të përgjegjshëm por edhe subjekte të përgjegjshme politike të cilat ndoshta do ta votojnë qeverinë e vendit pa ndonjë kusht”, ka thënë ai në emisionin “Ditari” në Tëvë1.
