Analisti politik, Selam Shkodra, thotë se qeveria e re do të formohet nga LVV-ja.
Shkodra thotë se posedon informacione që tregojnë se LVV-ja ka arritur t’i sigurojë votat për formimin e qeverisë.
“Në bazë të parametrave dhe rrethanave, qeveria do të bëhet nga VV-ja. 98 për qind e deputetëve nuk e dinë që i kanë votat. Kjo, sepse, Kurti ka qenë në takime vetëm me zëvendëskryeministrin. Unë kam pasur rastin me taku dikë nga komunitetet rastësisht në një nga qendrat tregtare të Kosovës”, tha ai në emisionin “Këndi i Debatit” në Tëvë1.
Shkodra thotë se rundin e dytë të bisedimeve me partitë e komuniteteve joserbe, do ta realizojë zëvendëskryeministri në detyrë, Besnik Bislimi.
“Shumë nga politikanët aty japin deklarime sa për të krijuar një opinion të caktuar, por negociatat i zhvillon kryeministri dhe me të gjithë ata që ka pasur takime nga komunitetet dhe partitë e tjera, i njëjti i ka rekomanduar që në një të ardhme mund të kenë takime me zëvendëskryeministrin. Pjesa e dytë e negociatave akoma nuk është zhvilluar”, deklaroi ai.
