Një trevjeçar ka vdekur të dielen në spitalin rajonal të Shkodrës.
Vogëlushi ishte paraqitur në spital me shenja të helmimit.
TopChannel raporton se për shkak të gjendjes së rëndë, mjekët e kanë dërguar në reanimin, ku edhe kishte vdekur.
Fëmija është nga fshati Mjede, në Vaun e Dejës.
Më vonë, me të njëjtat simptoma edhe e motra e tij është nisur për në Tiranë në gjendje të rëndë. Mjekët e Shkodrës thonë se rasti ka të bëjë me helmim në gjak.
Ndërkohë analizat janë nisur për në repartin e toksikologjisë në Tiranë ku do të zhvillohen hetimet.
