Politologu, Albinot Maloku duke folur për pezullimin e dialogut strategjik nga ana e ShBA-së me Kosovën, tregon për raportet jo të mira mes dy vendeve.
Madje ai ka thënë se mospranimi i kësaj është me ja bërë “qejfin vetit”.
Maloku në emisionin “InfoNata” në Tëvë1 ka thënë se paralajmërimi nga ShBA për nisje të dialogut strategjik me Serbinë është shqetësuese, për faktin se Kosova nuk po arrin ta ruaj traditën që kishte me Shtetet e Bashkuara të Amerikës.
“Kosova nuk po arrin ta mbajë atë traditën që ka pas në raport me Amerikën. Tentimi për ta minimizuar këtë shkërmoqje raportesh që po e thonë amerikanët, nuk e shoh me simpati, sepse është me ja bërë qefin vetit”, ka thënë Maloku.
Por, me këtë konstatim të tij, nuk është pajtuar zëvendësministri në detyrë i Drejtësisë, Vigan Qorrolli.
Ai ka thënë se asnjë zyrtarë amerikanë nuk e ka thënë se ka shkërmoqje të raporteve mes dy qeverive.
“Nuk ka asnjë rrethanë një shkërmoqje të raportit midis dy qeverive,midis dy shteteve. Zakonisht amerikanët e thonë midis dy qeverive dhe unë po e thamë konkretisht në vijën institucionale. Në asnjë rrethanë, kurrë dhe asnjëherë nuk është thënë nga asnj zyrtar amerikan që ka shkërmoqje të këtyre raporteve”, është shprehur Qorrolli në replikën e tij ndaj Malokut.
