Shkëndija e Tetovës ka shënuar fitore në xhiron e dytë të fazës së ligës në Ligën e Konferencës.
Shkëndija pasi humbi 2:0 në xhiron e parë te Rayo Vallecano në udhëtim, të enjten mbrëma në shtëpi mposhti skuadrën e Shelbournet nga Irlanda.
Ndeshja e zhvilluar në Shkup, ka përfunduar me rezultatin 1:0 në favor të Shkëndijës së Tetovës.
Goli i vetëm i takimit u shënua në minutat shtesë të ndeshjes kur mbrojtësi Patrick Barrett realizoi autogol.
Me këtë fitore, Shkëndija ka tubuar 3 pikë kurse Shelbourne që xhiron tjetër e pret Dritën në shtëpi, ka vetëm 1 pikë.
Shkëndija edhe xhiron tjetër, që zhvillohet më 6 tetor luan në shtëpi, ku e pret Jagiellonian e Polonisë.
