Kanë përfunduar dy sfidat e para që i hapën rrugën xhiros së 28-të në Superligë.
Gjilani ka shënuar fitore të thellë si vendas ndaj Drenicës. Kuqebardhët në stadiumin me “bar sintetik” në Gjilan, triumfuan me shifrat 5:0 ndaj kuqezinjve.
Serinë e golave kuqebardhëve e hapi autogoli i Shkëlzen Lushtakut në minutën e 14-të, më pas Keita Razak dyfishoi epërsinë në minutën e 42-të, duke shkuar në pushim me epërsi të dyfishtë.
Ndërkohë, Donjet Shkodra gjeti golin e parë, ku pas një asistimi të Elton Cale shënoi një gol të bukur për 3:0. Ishte minuta e 76-të kur Shkodra e dërgoi topin në rrjetë për herë të parë këtë sezon. Cale gjeti edhe asistimin e dytë në këtë sfidë, por me realizator Blerim Krasniqin. Nga ana tjetër, Progni e përmbylli këtë fitore spektakolare në minutën e 94-të. Gjilani me këtë fitore ngrihet në kuotën e 52 pikëve, në vendin e dytë. Ndërkohë Drenica mbetet në kuotën e 35 pikëve në sfidën e 28-të.
Në takimin e radhës, Ballkani ka përfituar për mrekulli avantazhin numerik, duke iu afruar edhe më shumë titullit të parë në historinë e tyre.
Therandasit në stadiumin “18 Qershori” në Klinë, triumfuan me shifrat 1:0 ndaj Dukagjinit.
Pjesa e parë e kësaj ndeshje nuk dha gola. Ndërsa në fraksionin e dytë “Hithat” kanë mbetur me një lojtar më pak, pasi Bujar Shabani u ndëshkua me karton të kuq, ku pas këtij vendimi pati protesta nga banka klinase ndaj gjyqtarit Çaka.
Por kjo hapësirë numerike përdoret mjaft mirë nga skuadra e Ilir Dajës, pasi në minutën e 83-të gjeti avantazhin me anë të Meriton Korenicës.
Suharekasit me këtë fitore u ngjitën në kuotën e 60 pikëve, në vendin e parë. Dukagjini zë vendin e 8-të me 30 prej tyre.
/ Tëvë1 /
