Një nga platformat më të mëdha të rrjetit të errët në botë që përdoret për transmetimin e pornografisë së fëmijëve është hequr, njoftuan autoritetet gjermane të mërkurën.
Operacioni ndërkombëtar, i koduar “OP Stream”, përfshiu agjencitë e zbatimit të ligjit nga 38 vende, duke përfshirë SHBA, MB dhe vende të ndryshme anëtare të BE-së. Autoritetet holandeze sekuestruan serverët e platformës darknet “KidFlix”.
Platforma darknet, e cila kërkonte nga përdoruesit të regjistroheshin dhe të paguanin në kriptovaluta, përmbante dhjetëra mijëra fotografi dhe video që tregonin abuzime serioze seksuale të fëmijëve, sipas autoriteteve gjermane që nisën hetimin. Ai kishte më shumë se 1.8 milionë përdorues në mbarë botën.
Gjatë operacionit, i cili u koordinua nga Europol, hetuesit identifikuan 1,393 të dyshuar në mbarë botën, pavarësisht përpjekjeve të tyre për të fshehur identitetin e tyre. Vetëm në Gjermani u identifikuan më shumë se 100 të dyshuar, sipas një deklarate të përbashkët nga Zyra e Policisë Kriminale të Bavarisë (BLKA) dhe Zyra e Prokurorit Publik të Bambergut.
Sipas prokurorëve, hetimi vazhdon në shumë vende, pasi autoritetet ekzaminojnë pajisjet elektronike të sekuestruara dhe kryejnë kontrolle shtesë, ka raportuar Anadoly.
Autoritetet e rendit kanë sekuestruar pajisje të shumta elektronike, duke përfshirë celularë dhe kompjuterë, gjatë operacionit të zhvilluar nga data 10 deri më 23 mars, në gjithsej 38 shtete, kryesisht vende evropiane.
