Këshilli Prokurorial i Kosovës ka vendosur të shkarkojë nga detyra ushtruesin e funksionit të kryeprokurorit të Shtetit, Besim Kelmendi.
Vendimi u mor në mbledhjen e sotme me shumicën prej pesë votash pro.
Në vend të tij, Këshilli ka caktuar prokurorin Agron Qalaj që ta ushtrojë këtë pozitë.
Ky zhvillim vjen vetëm një ditë pasi Kelmendi u paraqit në Prokurorinë Speciale për t’u marrë në pyetje si dëshmitar lidhur me masakrën e Reçakut.
Pas intervistimit, ai hodhi poshtë zërat që e lidhnin me gjyqtaren hetuese të asaj kohe, Danica Marinkoviq. Në një konferencë për media, Kelmendi sqaroi se gjatë luftës ka punuar në Gjykatën e Qarkut në Prishtinë, pozitë të cilën – sipas tij – e ka shfrytëzuar për t’i siguruar dokumente KMDLNJ-së dhe mediave, me qëllim të pasqyrimit të krimeve të kryera nga regjimi serb.
