Elianë Blakaj, është shkarkuar nga pozita e Drejtoreshës për Kulturë, Rini dhe Sport në Komunën e Istogut.
Blakaj ka thënë se arsyet e shkarkimit janë banale si “mosbindja ndaj urdhrave të shefit’’, si dhe shkarkimi ka ndodhur në mënyrë tinzare dhe tradhtare.
“Nuk ndodhi për shkak të mos kryerjes së detyrave të punës, por ndodhi për shkak se nënkryetari kishte dëshirë të ushtronte detyrën e Drejtorit të Drejtorisë të cilën e menaxhoja dhe ky fakt tregon paaftësinë e tij për kryerjen e detyrave të cilat është i ngarkuar brenda Komunës”, ka thënë ajo.
Sipas saj, ky shkarkim ka ndodhur për ta fshehur paaftësinë e tij si partner i koalicionit për ta menaxhuar atë.
“Ky shkarkim ndodhi, për ta fshehur paaftësinë e tij si partner i koalicionit për ta menaxhuar atë, duke parë vetën si patericë pa asnjë funksion, bëri atë që kishte mundësi të vetme. Kësaj radhe me një paturpësi të madhe pa prezencën time në mbledhje të kryesisë është diskutuar puna ime në Drejtorinë e Kulturës, Rinisë dhe Sportit, në mënyrë që gënjeshtra të triumfoi mbi të vërtetën”, ka shkruar ajo përmes një postimi në Facebook. /teve1.info/
