Një person ka vdekur si pasojë e goditjes nga një veturë, të premten në fshatin Rastavic të Deçanit.
Sipas PK-së i njëjti paraprakisht kishte bërë vetaksident, dhe gjatë kalimit të rrugës ishte goditur një veturë i cila ishte në lëvizje nga drejtimi i Gjokovës.
Ngjarja sipas PK-së ka ndodhur të premten rreth orës 22:35 minuta.
“Deri te vetaksidenti ka ardhur deri sa i vozitësi ishte duke qarkulluar në rrugën Gjakovë – Deçan, i njëjti duke mos ju përshtatur shpejtësisë, humb kontrollin del nga rruga. Viktima kishte dalë nga vetura dhe gjatë kalimit të rrugës në kursin nga drejtimi i Gjakovës goditet nga një veturë e cila ishte në lëvizje nga drejtimi i Gjakovës. Viktima dërgohet në Spitalin Rajonal në Gjakovë e më pastaj për shkaqe të natyrës se lëndimeve është dërguar për në QKUK – Prishtinë. Sot rreth orës 01:50 minuta Policia është njoftuar se viktima kishte ndërruar jetë”, thuhet në njoftim.
Me urdhër të Prokurorit të shtetit, trupi i pa jetë i viktimës është dërguar në Institutin e Mjekësisë Ligjore në Prishtinë, për Obduksion.
Ndërkaq, i dyshuari me urdhër Prokurorit sipas PK-së është dërguar në mbajtje prej 48 orësh./teve1.info/
