Xherdan Shaqiri po shkëlqen prejse u rikthye te skuadra e Baselit pasi shkëputi kontratën me ekipin amerikan, Chicago Fire.
Në 11-të ndeshje të luajtura deri më tani në Superligën zvicerane, Shaqiri ia ka siguruar 12 pikë Baselit kurse ka shënuar 5 gola dhe ka bërë 7 asistime.
Aktualisht, Shaqiri është golashënuesi më i mirë i Baselit, si dhe asistuesi më i mirë i kampionatit deri më tani.
Në duelin e fundit, të cilën Baseli e fitoi 3:1 ndaj Servettet, Shaqiri realizoi “hat-trick” si dhe u shpall lojtari më i mirë i kësaj ndeshjeje.
Falë formës së mirë të Shaqirit, Baseli aktualisht i prinë tabelës në elitën e futbollit zviceran.
Pas 15-të xhirove të zhvilluara deri më tani, Baseli është lider me 28 pikë të mbledhura, sa i ka edhe skuadra e Luganos në pozitën e dytë.
Shaqiri 33-vjeçar iu bashkua Baselit si lojtar i lirë dhe ka kontratë deri në vitin 2027, ndërsa rikthimin e tij te Baseli e ka nisur prej xhiros së pestë.
Bazuar në statistikat aktuale, Shaqiri është i përfshirë në gol të shënuar nga Baseli në çdo 63 minuta.
