Kimete Hoxha është drejtuese e një institucioni arsimor në Kosovë. Vetëm kolesteroli i lartë e detyroi të mendojë dietën e shëndetshme.
“Vështirësitë shëndetësore u bënë ajo pika kur unë e pash që patjetër duhet të bëja një kthesë jetësore,” – u shpreh Hoxha.
Për 2 muaj humbi gati 15 kilogramë, por në asnjë moment nuk e mendoi dobësimin me operacion.
“Gjithmonë rrugët më të gjata janë më të shëndetshme dhe kur mundesh shëndetshëm ta kryesh një punë pse jo,” – tha Hoxha.
Por jo të gjithë e mendojnë si ajo. Doktoreshë Lindita Hoxha u shpreh se vetëm në klinikën e saj vitin e shkuar janë bërë mbi 1 mijë operacione për ngushtimin e stomakut.
Pothuajse të gjithë pacientët mbipeshë kanë probleme të tjera shëndetësore sipas doktoreshës, por 15% e atyre që ndërhynë në stomak janë të rinj 17-20 vjeç.
Statistikat tregojnë se vetëm 5% e femrave dhe 2% e meshkujve nga 15-49 vjeç, konsumojnë fruta e perime gjatë vakteve të tyre./euronews
