Mesfushori i Kombëtares së Shqipërisë, Juljan Shehu ka folur për ndeshjen e rëndësishme me Serbinë në kuadër të kualifikimeve për Botërorin 2026.
Në konferencën për shtyp, Shehu ka thënë se Shqipëria është gati për ta përballuar këtë ndeshje, ndërsa ka insistuar se në Serbi shkojnë për fitore.
Dueli mes Serbisë dhe Shqipërisë, zhvillohet të shtunën në Leskovc kurse Shqipëria të hënën ka nisur grumbullimin për këtë përballje, në të cilën synon vetëm rezultat pozitiv.
“Presioni për ne është gjë normale. Është ndeshje e rëndësishme për ne dhe do të shkojmë për të marrim maksimumin. Jemi të përqëndruar për këtë sfidë dhe pavarësisht të gjithave, në shkojmë për të marrë më të mirën. Është ndeshje e rëndësisë se madhe pasi nga kjo sfidë vendoset për rrugën drejt Botërorit”, ka thënë Shehu.
Seanca e parë stërvitore e Shqipërisë është mbajtur të hënën pasdite dhe selektori Sylvinho nuk mund të llogarit në mbrojtësit Ardian Ismajli e Marash Kumbulla për ndeshjet e këtij muaji shkaku i lëndimit.
Pas duelit me Serbinë, Shqipëria zhvillon miqësoren kundër Jordanisë në Tiranë.
