Sheholli lidhur me këtë çështje deklaroi se kjo marrëveshje e cila është nënshkruar nga Përfaqësuesi i posaçëm i Bashkimit Evropian në dialogun Kosovë-Serbi, Mirosllav Lajçak, është e mangët dhe sipas tij nuk tregon për dënimet të cilat i pason pala e cila nuk i kryen obligimet në afat kohor.
“Kjo marrëveshje ose ky udhërrëfyes i Lajqakut është pak i mangët, nuk tregon që nëse njëra palë, nëse unë dhe ju jemi palë dhe unë nuk i kryej obligimet ,cilat janë dënimet apo penallat ndaj kësaj çështje”, tha ai.
I ftuar në emisionin “Ditari” në Tëvë1, Sheholli tha Kompania Serbe Elektrosever nuk i ka dorëzuar të dhënat e fundit për konsumatorët ashtu siç ishte paparë ne udhërrëfyesin për dhënien e të dhënave të konsumatorëve për Kost-in dhe KEDS-in në afatin kohor prej 7 ditësh.
“Kompania Serbe Elektrosever nuk i ka dorëzuar të dhënat e fundit për konsumatorët ashtu siç është paparë me udhërrëfyesin të cilin e ka nënshkruar edhe zoti Ljçak. Ne e kemi kuptuar që ata nuk i kanë dorëzuar listën e konsumatorëve për ato ditët sa kanë qenë me afat të caktuar në për një javë apo 7 ditë dhe kjo na vjen në pikëpyetje tash këtë konceputalitetin e këtij udhërrëfyesi të nënshkruar nga Lajcak sepse në marrëveshje, në këtë udhërrëfyes ku ai e ka nënshkruar theksohet se nëse palët nuk merren vesh do të shqyrtohet përsëri mundësia e një takimi. Këtu nuk bëhet për të dyja palët sepse Kosova i ka kryer të gjitha detyrat e ka licencuar dhe ata për 7 ditë nuk e kanë kryer punën e vet”, deklaroi tutje Sheholli./Teve1.info
