Avokati, Florim Shefqeti, duke u referuar rastit të vrasjes së një grua nga ish-bashkëshorti sot gjatë ditës në Ferizaj, ai tha se shteti duhet të bëjë më tepër në raport me Qendrat për Punë Sociale.
Duke përmendur shtimin e numrit të punëtorëve, ai tha se në këto Qendra mungon edhe prania e zyrtarëve policorë.
“Në parim flasim edhe nga praktika, ka lloj të vrasjeve që nuk mund të parandalohen as nga shteti as nga askush, sepse është fenomen i ndërdijes, i pjesës subjektive të secilit kryes të mundshëm, i cili nuk mund të parandalohet…Në QPS nga praktika e dimë saktë që nuk bëhet kontrollimi i hyrje- daljeve aq më tepër në rastet, nëse do të këtë indicie për problem paraprake. Po, ashtu nuk ka fare zyrtarë policore. Nëse shkoni nëpër Qendra për Punë Sociale e shihni një person civil të sigurimit, i cili qëndron aty për ruajtjen e rendit dhe të qetësisë. Duhet shtimi i personelit, pasi zyrtarët që punojnë në QPS raste janë të stërngarkuar me raste. Në rastin konkret do të shihet tutje se a kishte Qendra për Punë Sociale informacione për rastin e tij nëse ka qenë recidivist dhe cilat kanë qenë veprimet që janë marrë mbrojtëse që janë marrë në kuptimin e recedivismit”, ka thënë ai në emisionin “Info Nata” në Tëvë1.
Ai tha se dënueshmëri në këto raste duhet që të rritet, derisa tha se më të drejtë duhet që të trajtohet aspekti i të kaluarës së personave.
“Duke marrë parasysh praktiken e dënimeve në rastet e vrasjeve që kemi parë vendime prej 13 vitesh deri në 23-25 vite që nënkupton me 2/3 ka mundësi që të lirohet. Në këto raste më të drejtë duhet që të trajtohet aspekti i të kaluarës së personave. Ne e konsiderojmë që dënueshmëria duhet që të rritet”, ka deklaruar ai.
Pasditen e sotme, një 21-vjeçare është vrarë brenda Qendrës për Punë Sociale në Komunën e Ferizajt nga ish-bashkëshorti i saj 36-vjeçar. I dyshuari la të plagosur edhe 15-vjeçarin, vëllaun e viktimës.
Autori i krimit u arrestua nga Policia e Kosovës, edhe pse i njëjti provoi të arratiset./teve1.info/
