Sipas saj, edhe vetë Sahiti e ka pritur këtë vendim si befasi.
“Nuk mund të flas saktësisht a ka qenë drejt ose ajo, por ajo çfarë mund të them është se koha ka qenë e papritur për shkarkimin e rektorit. Por në anën tjetër, një situatë e tillë ka qenë e njohur brenda në Universitet. Për shkak se shkarkimi i rektorit në kohën që ka ndodhë, edhe vetë rektori e ka prit si befasi, për shkak që Këshilli Drejtues në një farë forme edhe më herët i ka pasur këto arsye që i ka tash”, tha ajo në “Ditari” në Tëvë 1.
Shefiku nuk konsideron se largimi i ish-rektorit Sahiti ka qenë për çështje politike, teksa përmendi edhe një “përçarje” që ka ndodhur mes këtij të fundit dhe Këshillit Drejtues të UP-së.
“Rektori, nga viti 2020 deri tash ku jemi, ka pasë raporte të mira me të gjithë anëtarët e Këshillit Drejtues. Unë e di se ka ndodhë një përçarje në momentin kur rektori në tetor të vitit të kaluar e emëroi si ushtrues detyre ish-sekretarin, Esat Kelmendi. Sipas monitorimit tonë, aty ka filluar një përçarje mes Këshillit Drejtues dhe rektorit. Për shkak të asaj pozite, kanë ndodhur shumë ngjarje”, shtoi ajo.
Naser Sahiti është shkarkuar nga pozita e rektorit në UP “Hasan Prishtina” më 21 tetor. Ushtruese detyre e kësaj pozite është profesoresha Luljeta Plakolli-Kasumi. /Teve1.info/
