Shefi i Shërbimit të Mbrojtjes Shtetërore të Bullgarisë, Emil Tonev ka vizituar veriun e Kosovës.
Ai është mirëpritur nga drejtori i Njësive Speciale së bashku me stafin komandues të Mbrojtjes se afërt.
Delegacioni i lart i Bullgarisë nisi vizitën në Prishtinë, pastaj në veri të Mitrovicës ndërkaq vizita e këtij delegacioni përfundon në Prekaz, pas takimeve në Ministrinë e Mbrojtjes dhe me drejtuesit e Stacionit Policor në veri.
Gjithashtu, Tonev ka vizituar edhe Akademinë Policore në Vushtrri.
Ndërkohë, dje Tonev është takuar me ministrin në detyrë të Punëve të Brendshme, Xhelal Sveçla.
Pas takimit, Sveçla është shprehur i bindur se bashkëpunimi i Kosovës me Bullgarinë do të vazhdojë të forcohet edhe më tej “duke kontribuar në ngritjen e kapaciteteve të institucioneve tona si dhe në sigurinë, stabilitetin dhe mirëqenien e qytetarëve tanë dhe të rajonit në tërësi”./teve1.info/
