Në prag të samitit në Alaskë, një thirrje e përbashkët virtuale mes Presidentit të SHBA-së, presidentit ukrainas, Volodymyr Zelenskyy dhe liderëve evropianë shërbeu për të unifikuar qëndrimet ndaj luftës në Ukrainë.
Në një postim në X, pas bisedës virtuale, Shefi i NATO-së u shpreh se vlerëson lidershipin e presidentit amerikan dhe se “topi tashmë është në fushën e Putinit”.
“Takim i shkëlqyer me presidentin amerikan, presidentin ukrainas si dhe udhëheqësit evropianë përpara takimit të Presidentit Trump me Putinin në Alaska. Jemi të bashkuar në përpjekjet për t’i dhënë fund kësaj lufte të tmerrshme kundër Ukrainës dhe për të arritur paqe të drejtë dhe të qëndrueshme. Vlerësoj lidershipin e Donald Trump dhe koordinimin e ngushtë me aleatët. Topi tani është në fushën e Putinit.”
Ndërsa samiti pritet të fokusohet në hapat e mëtejshëm drejt paqes, vëmendja mbetet te Putini dhe qëndrimi i tij ndaj kërkesave të bashkuara të Perëndimit.
Great call with @POTUS, @ZelenskyyUA & European leaders ahead of President Trump’s meeting with Putin in Alaska. We are united in pushing to end to this terrible war against 🇺🇦 & achieve just and lasting peace. Appreciate @realDonaldTrump leadership & close coordination with…
— Mark Rutte (@SecGenNATO) August 13, 2025
