Shefi i EULEX-it, Antero Lopes, ka zhvilluar të enjten një takim me kryetarin e Listës Serbe, Zlatan Elek, dhe ekipin e tij.
Sipas EULEX-it, në takim është diskutuar për çështje që lidhen me sundimin e ligjit në Kosovë.
Lopes ka rikonfirmuar përkushtimin e misionit për të mbështetur sigurinë dhe të drejtat e njeriut të të gjitha komuniteteve në Kosovë.
“Sot, Shefi i EULEX-it, Antero Lopes, zhvilloi një takim prezantues me kryetarin e Listës Serbe, Zlatan Elek, dhe ekipin e tij, me të cilët diskutoi çështje që lidhen me sundimin e ligjit.Në takim, Lopes rikonfirmoi përkushtimin e vazhdueshëm të Misionit për të mbështetur sigurinë dhe të drejtat e njeriut të të gjitha komuniteteve në Kosovë”, thuhet në njoftimin e EULEX-it në Facebook. /teve1.info/
