Shtetet e Bashkuara të Amerikës kanë rikonfirmuar mbështetjen e KFOR-it në Kosovë.
Kjo është bërë e ditur nga ambasada amerikane në Kosovë, ku është njoftuar për vizitën e të ngarkuarës me punë Anu Prattipati e cila ka zhvilluar takim me komandantit e KFOR-it, Gjeneral Major Özkan Ulutaş, i cili është në përfundim të mandatit.
Ajo e falënderoi për udhëheqjen e tij të KFOR-it dhe përkushtimin e tij për ruajtjen e një mjedisi të sigurt dhe të qetë për të gjitha komunitetet në Kosovë.
“Shtetet e Bashkuara mbeten të përkushtuara për të mbështetur misionin e KFOR-it, duke ndihmuar në ruajtjen e stabilitetit në Kosovë dhe në rajon”, thuhet në postimin e ambasadës.
